قاضي

ـ1ـ
شُو هَـ الْعَادِه.. شُو هَـ الْعَادِه؟
بَعِّدْ عَنِّي.. إِيدَكْ عَنِّي
مَا عَادْ فِيِّي إِعْطِي زْيَادِه
بِفْزَعْ إِنَّكْ تِقْرَفْ مِنِّي
ـ2ـ
بْحِبَّكْ قَدّْ الدِّنِي كِلاَّ
وْجَنِّةْ جِسْمِي مَا بْيِحْتَلاَّ
غَيْرَكْ.. لَكِنْ مَا بْتِفْهَمْنِي
مَطْلُوبَكْ تِهْجُمْ تَاكِلْنِي
كِلّ ما كِنْت شْوَيِّه فَاضِي
ـ3ـ
وَقِّفْ.. وَقِّفْ.. لا ما بْيِسْوَى
إِيدَكْ دَخْلَكْ عَمْ إِتْلَوَّى
بْجَمْرَاتَكْ حَاجِي تِحْرِقْنِي
بِهْرُبْ مِنَّكْ وِبْتِلْحَقْنِي
جَلاَّدْ.. وْبِتْقِلِّي: قَاضِي!!
**