شاعر

بَيِّكْ طَرَدْنِي وْمَا قِبِلْ فِيِّي
كُونْ صِهْرُو.. وْطَبْطَبْ عْلَيِّي
سْأَلْت السَّبَبْ.. تَارِي السَّبَبْ إِنِّي
مْعَتَّرْ فَقِير.. وْشُو هَـ الِخْطِيِّه؟!
قُولِي لْبَيِّكْ يِعْتِذِرْ مِنِّي
وْقُولِي بْحِبُّو كْتِيرْ يَا بَيِّي
وْقُولِي النَّاس الْـ خَبَّرُو عَنِّي
عَمْ يِكْذِبُوا وِيْبَغِّضُو فِيِّي
شَاعِرْ أَنَا.. بْصَوِّرْ أَلِفْ جَنِّه
وْعِنْدِي الشِّعِرْ يَنْبُوعْ حِنِّيِّه
بْخَلِّي الدِّنِي تِتْلَهَّفْ لْفَنِّي
بْخَلِّي الْحَرْف صُنْدُوقْ مَالِيِّه!!
**